Njihuni me veturën e vetme japoneze me motor V12 të cilën mund ta bleni në SHBA

23:00 | 22 Janar 2024
E.H

Një Toyota Century e vitit 1997, e njohur si e vetmja veturë japoneze me motor të përparmë V12, ka hyrë në SHBA dhe aktualisht është në shitje në ankandin Cars and Bids.

Odometri i kësaj veture tregon afërsisht 218,700 kilometra të kaluara.

Pronari aktual i saj thekson se ajo nuk ka pësuar asnjë modifikim, dhe e ka ruajtur origjinalitetin e saj.

Toyota Century 1997 përfshin një panel instrumentesh dixhitale, ulëse me ngrohje, kontroll automatik të klimës, dhe radio.

Gjithashtu, ajo përmban një motor të fuqishëm 5.0 litërsh V12, që i jep rreth 276 kuaj fuqi.

Fuqia transmetohet në rrotat e pasme nëpërmjet një transmetimi automatik me katër shpejtësi.

Megjithatë, si çdo model i vjetër, edhe Century vjen me disa defekte si çarje dhe gërvishtje.

Në përgjithësi, është në gjendje shumë të mirë duke pasur parasysh çmimin relativisht të ulët prej 8,250 dollarësh. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm